Ikasturte honetan Euskara Ahora berrikuntza garrantzitsu batekin dator. Ikasleak euskararen ahozkotasun eta erabileran trebatze aldera Esazu Podcast sortu dugu. Hizkuntzaren erabilera sendotzeaz gain, euskarazko edukien sortzaileak izango dira gure ikasleak. Podcast hauetan audioipuinak, asmakizunak, olerkiak, bertsoak, abestiak… sortu eta grabatuko dituzte eta guztion eskura egongo dira. Podcast gunea batez ere LH 5.mailakoek elikatuko badute ere, eskolako beste mailek ere parte hartzeko aukera izango dute.
Mintzatu, grabatu eta partekatu, Euskara Ahora elikatu.
