Sasoeta-Zumaburu D ereduko ikastetxe publikoa da.
Haur eta Lehen Hezkuntzako etapak eta Gela Egonkorra eskaintzen ditu.
Gure eskola, 1995-96 ikasturtean Lasarte-Oriako eskola mapa antolatu zenean sortu zen. Zumaburu eta Sasoeta ikastetxeak elkartu egin ziren eta 1996-97 ikasturtean Sasoeta-Zumaburu HLHI izena hartu zuen.
Eskolak bi eraikin ditu. Bat Zumaburu auzoan, Haur Hezkuntzako ikasleak biltzen dituena eta bestea, Sasoeta auzoan, Lehen Hezkuntza eta Gela Egonkorreko ikasleak biltzen dituena.
HELBURUAK:
- Kalitatezko hezkuntza eskaintzea.
- Ikaslearen garapen integrala bermatzea.
- Aniztasunaren errespetuan heztea.
- Hezkuntza-komunitate osoaren inklusioa kontuan hartzea.
- Gure herria, historia eta hizkuntza ezagutzea.
- Zientzia eta teknologia-berrikuntzak irakaskuntza-prozesuan integratzea.
- Ingurumena eta herriaren alde lan egitea.
- Hezkuntza-komunitatearen parte hartzeko eskubidea bermatzea